Easo Politeknikoa eraldatzen: ikasketa-agertoki berriak

Epea eta koordinatzailea 

Proiektuaren hedapenaren arabera, epe desberdinak planteatzen dira:

• 2014-2016: formakuntza espezifikorako plana irakasleentzat. 
• 2015-2016: lehen esperientzia pilotuaren ezarpena. 
• 2016-2017: ziklo esperimentalak zabaltzea eta lehen emaitzak ebaluatzea. 
• 2017-2019: ikastetxe osora zabaltzerakoan difusioa eta egokitzea.

Koordinatzailea Maria Meijide da.

Proiektuaren justifikazioa

“Eginez ikasi” printzipioa jarraiki, erronketan oinarritutako lankidetza-ikasketa eredu bat ezarri nahi da, honako alderdiak sustatuz:

• Ikasleen beraien paper aktiboagoa beren ikasketa prozesuan. 
• Moduluartekotasunean oinarritutako heziketa-eredua, dagokion ekoizpen sektorearekin erabat uztarturik, kasu bakoitzean eskatzen den kualifikazioari erantzun egokia eman dieazaion. 
• Zeharkako konpetentzien garapena, zeintzuk ikasleen profila osatzen baitute, etengabeko eboluzioan dagoen ingurunera egokitzeko gaitasuna ematearekin batera. 
• Espazioaren balioa berreskuratzea, LHn inpaktu handia duen baliabide metodologiko gisa. 
• Konpetentzia teknikoen eta zeharkako konpetentzien eboluzioan eta garapenean oinarritutako ebaluazio eredua.

Lortu nahi diren helburuak

Itxaro litezkeen emaitzen atean honakoak azpimarra litezke:

• Familia profesional bakoitzak berariazkoak dituen zeharkako konpetentzien garapena. 
• Ziklo profesionalen barruan, modulu-arteko lanaren garapena. 
• Ikasleen konpetentzia-profila hobetzea, sektorearen eskakizunetara hobeto egoki daitezen. 
• Hezkuntza-komunitate ororen birkualifikatze teknikorako beharrezkoa den etengabeko ikasketa sustatzea.

Partehartzaileak eta kolaboratzaileak

Une hauetan, Tknikaren gainbegiradarekin, eta zehazki ETHAZI taldearenarekin, honako irakasleak dira parte hartzaileak:

• Erdi mailako zikloak: Mendekotasun-egoeran dauden pertsonentzako arreta, Mekanizazioa, Instalazio elektrikoak eta Osasun-larrialdiak.
• Goi mailako zikloak: Diseinu mekanikoa eta Programazio bidezko produkzioa.

Beste era batera, honako zikloak ere eraldatze-metodologikoetako proposamenetan murgilduta daude: Haur hezkuntza, Ingurumen hezkuntza, Diseinua eta altzari-hornikuntza, Bitxigintza artistikoa edo Kirol-ekintzen sustapena.