“Retrofitting of manufacturing units for composite machining” proiektua

Donostiako Easo Politeknikoa eta Andoaingo La Salle Berrozpe ikastetxeen arteko elkarkidetza fruitu da proiektu hau. 

Ekonomia zirkularra da abiapuntu nagusia iraunkortasunarekin eta ingurumenaren zaintzarekin bat datozen ekoizpen-prozesu berriak abian jartzeko. Gainera, berrikuntza eta material berrien bilaketa funtsezkoak dira aurreko helburua lortzeko. Horregatik, materialen garapena hainbat erakundek abian jarritako estrategien funtsezko zati bat da. Estrategia horiek hainbat garapen-planen barruan daude, hala nola, Eskualde Berrikuntza Smart Specialization Strategy edo RIS3, edo Zientzia, Teknologia eta Berrikuntza Plana (ZTBP 2030).

Proiektu honek CNC zenbakizko kontroleko mekanizazio zentro baten diseinua eta egokitzapena aurreikusten du, material konposatuak mekanizatzeko eta horrela mekanizatu ondoren haien propietateen ezagutzan sakontzeko, baita zaharkitutako ekipamenduak berriz balioesteko ere. Honen bidez, hezkuntza-zentroen eta industria-sektorearen arteko lankidetza estuaren bitartez, Euskadi konpositeen mekanizazioaren industriaren garapenaren abangoardian kokatu nahi da.