SEGURTASUN ETA INGURUMEN ALORGUNEA

Ingurumen Hezkuntza eta Kontrola Zikloa

ZENTRO BAKARRA GIPUZKOAN

Easo Politeknikoa Ingurumen Hezkuntza eta Kontrola goi-mailako heziketa-zikloa B + ereduan eskaintzen duen ikastetxe bakarra da Gipuzkoan. Zikloa Segurtasuna eta Ingurumena lanbide-familiaren baitan dago. (azalpen bideoa)

PRESTAKUNTZA

Zikloak 2 urteko iraupena du, eta, epe horretan, ikasleak ingurumen-hezkuntzako eta kontroleko goi-mailako teknikari gisa lan egiteko beharrezkoak diren gaitasunak eskuratzen ditu. 

PRAKTIKAK ENPRESAN

Ziklo honetako lantokiko praktikak ingurune naturalaren kontserbazioan, floraren eta faunaren ikerketan, ekonomia zirkularrean, karbono-aztarnaren neurketan eta GIHen garapenean lan egiten duten enpresetan eta erakundeetan egiten dira. 

Helburu nagusia ikasleak enpresaren eguneroko funtzionamendua ezagutzea eta  tituluan ezarritako ezagutzak eta trebetasunak eskuratzea da.

PRAKTIKAK EUROPAR BATASUNEAN

 Erasmus + programaren barruan Europar Batasuneko beste herrialde batzuetan ere praktikak egiteko aukera eskaintzen da. Italia, Portugal eta Polonia dira lantokiko praktikak egiteko aukera gehien eskaintzen dituzten herrialdeak.

LAN-EREMUA

Zikloak ingurumen-hezkuntzan lan egiteko gaitzen zaitu, adibidez, ingurumen-hezitzaile, naturguneetako gidari eta sentsibilizazio jardueren koordinatzaile gisa. Kudeaketaren eta kontrolaren eremuan, enpresetako eta administrazioetako ingurumen-eragile eta teknikari gisa lan egin dezakezu.

GAURKOTASUNA: INGURUMEN ARAZOAK

Gero eta gehiago dira ekonomia zirkularraren, mugikortasun iraunkorraren, karbono-aztarnaren neurketaren eta GJHen garapenaren aldeko apustua egiten duten enpresa eta erakundeak. Erronka horiei guztiei aurre egiteko, ingurumenari buruzko prestakuntza espezifikoa duten pertsonak behar dira. Eta zu horietako bat izan zaitezke.

LAN-POLTSA

Gure ikasleei eta sektoreko enpresei zerbitzu hobea emateko helburuarekin, Hezkuntza eta Ingurumen Kontroleko sailak lan-poltsa pertsonalizatua du, eta lan-eskaintzen kudeaketan enpresekin erlazio zuzena du.

Zikloko gaiei buruzko informazio gehiago nahi baduzu, jar zaitez gurekin harremanetan.