Instalazio eta baliabideak
Erizaintza zaintza
Klase teorikoak emateko gela bat dugu eta klase praktikoak burutzeko, erizaintza tailer bat dugu ospitaleko ohe, komun eta simulazio ezberdinak egiteko beharrezko materialaz horniturik.
Aho eta hortzen higienea
Gela kliniko bat daukagu aho-hortzetako lau kabinetekin (osorik hornituak), eta aho barruko eta aho kanpoko erradiologia aparailuak dituen gela bat (ortopantomografoa), biak digitalak. Halaber, klase teorikoak emateko hainbat ikasgela ditugu, horietako bat arbel digitalaz hornitua.
Anatomia patologikoa eta zitodiagnostikoa
Gure laborategian giza ehunak prozesatu, aztertu eta diagnostikoa egiteko hainbat aparatu dauzkagu. Horien artean parafina dispentsadorea, inklusio estazioa, mikrotomoak, mikroskopioak, termozikladorea (PCR), elektroforesia etab. dauzkagu.
Osasun-larrialdiak
Praktiketako tailer bat dugu, bertan bi anbulantzia simulatuak ditugu (beharrezko material guztiarekin) eta klase teorikoak emateko ikasgelak. Honetaz gain, institutuko parkinean benetako anbulantzia bat daukagu.
