Edukira joan
EU ES

Haur Hezkuntza zikloko ikasleak Fossile dantza ikuskizunean

2021 - 10 - 20

Haur Hezkuntzako goizeko  ikasleek Victoria Eugenian Malandain Biarritzeko Ballet taldearen Fossile dantza emanaldia  ikusi berri dute. 

Ikuskizuna Planeta dantzan Ingurumen hezkuntzarako programa koreografikoaren baitan kokatzen  da.  Balleta, ingurumena eta eskola-hezkuntza uztartzen dituen mugaz gaindiko programa da.  Malandain Ballet Biarritzek, Cristina Enea Fundazioak eta Iruñeako Udalaren ingurumen hezkuntza sailak parte hartzen  dute. Gainera, proiektuak Akitania Berria, Euskadi, Nafarroa Euroeskualdearen eta Fondation d´Ici-Tokiko erakundeeen babesa du.

Gure ikasleek hurrengo hilabeteetan programarekin jarraituko dute ikastetxean bertan, beste hainbat  saioetan,  hezkuntzarako modu berritzaileetan esperimentatuz eta trebatuz.

Errealitate birtuala iritsi da Lanbide arriskuen prebentzioa ziklora

2021 - 10 - 18

Aurten Goi mailako Lan Arriskuen Prebentzioa zikloan errealitate birtuala erabiliz osatuko da ikaskuntza-irakaskuntza prozesua. 

Horretarako ekipamendua erosi da, eta Ludus enpresak sorturiko plataforman erabilgarri dauden prebentziorako eta emergentzietarako 15 entrenamendu erabiliko dira. Horrela, birtualki su-itzalgailuak, eskorga jasotzaileak, zubi garabia etab. erabili daitezke, edo RCP biranimazio maniobrak egin, edota altuerako lanak egiteko prozedurak praktikatu, altueraren beldurra sentituz baina istripuak birtualki bakarrik sufrituz.

Zihur gaude errealitate birtualak bizipenak izateko ematen digun aukerak gure ikaskuntza-irakaskuntza prozesua sakonagoa izaten lagunduko digula.

ATECE elkartearen hitzaldia Mendekotasun-egoeran dauden pertsonei arreta zikloko ikasleentzat.

2021 - 10 - 14

Mendekotasun-egoeran dauden pertsonei arreta zikloko bigarren mailako ikasleek igerilekura joango dira eta txango kulturalak egingo dituzte ATECErekin, garezurreko eta entzefaloko traumatismoa eta kalte zerebrala duten pertsonekin lan egiten duen elkartearekin. Asteazkenean, elkarteko bi langile eta iktusa jasan duten bi pertsona etorri ziren ikastetxera. Elkartea zer den eta egunerokoan zer egiten duten azaldu zieten ikasleei.

CFOL2020+1

2021 - 10 - 11

2021eko urriaren 15 eta 16an, LH Euskadik antolatutako LPO2021 kongresu berria izango da. Kongresu hau, Lanbide Heziketako ikastetxeetako LPO eta EES ikasgaietako irakasleentzat izateaz gain, kideekin norbere jakintza, proiektuak, esperientziak... partekatu nahi dituen ororentzat ere izango da. Gaur egungo gaiak eta proiektuak landuko ditugu. 

Urriaren 15eko komunikazio eta tailerrak Donostiako Zubiri Manteo ikastetxean gauzatuko dira eta urriaren 16koak berriz gurean, Easo Politeknikoan.

Hauek dira ildo nagusiak:

Lanerako orientabideak eta enplegu bilaketa

Laneko eskubideak eta betebeharrak

Laneko arriskuen prebentzioa

LPO-EES metodologia berriak

SOFT SKILLs, zeharkako gaitasunen ebaluazioa

Adimen emozionala eta zeharkako gaitasunak. Ikasgelako gatazkak konpontzea

LPO-EES eta Gizartea

Genero-ikuspegia. Gizarte-ekintzailetza, ESK, Balioak

LPO mintegiko irakasleak bertan izango gara!!!

Villa Salia eraikinaren eraberritzea BIM metodologia aplikatuta

2021 - 10 - 07

Donostiako Udalarekin sinatutako kolaborazio hitzarmenaren baitan, Egia auzoan kokatuta dagoen Villa Saliaren erabirretze proiektu - Erronkan  lan egiten hasi dira 2. mailako Eraikuntza proiektuak zikloko ikasleak. 

Horretarako, obra lanak hasi aurretik, laser eskanerra erabiliz eraikinaren egungo egoera neurtu dute. Ondoren, BIM metodologia jarraituz proiektu osoa landuko dute. 

Mila esker Donostiako Udaleko  Eraikuntza Zerbitzuari uneoro eman diguten laguntzagatik.

 

Haur Hezkuntza zikloko ikasleak Fossile dantza ikuskizunean

2021 - 10 - 20

Haur Hezkuntzako goizeko  ikasleek Victoria Eugenian Malandain Biarritzeko Ballet taldearen Fossile dantza emanaldia  ikusi berri dute.