INGURUMEN HEZKUNTZA ETA KONTROLA
Talde bat ABD ereduan.
Ordutegia: 8:00 - 14:30
Iraupena: 2000 ordu (bi ikasturte)
Deskargatu hemendik heziketa zikloaren fitxa.
Gaitasun orokorra
Titulu honen konpetentzia orokorra honetan datza: biztanleria ingurumenaren inguruan sentsibilizatu eta heztea, hura kontserbatu eta hobetzen lagunduko duten jarrerak sustatuz, ingurumenarekin lotutako balioen eta arazoen berri emanez, erabaki zuzenak hartzeko gaituz, eta ezagutzeko eta erabiltzeko jarduerak diseinatuz, iraunkortasun-printzipioetan oinarrituta; eta ingurumen-kudeaketako ekintzak gauzatzea, araudia aplikatuta ingurunea kontrolatu eta babesteko.
Ikasketa plana
Lehen urtean
| Moduluak | Orduak / asteko |
|---|---|
| Ingurumenaren egitura eta dinamika | 3 |
| Ingurune naturala | 6 |
| Ingurumen-kudeaketa | 9 |
| Metodo eta produktu kartografikoak | 3 |
| Ingurunean moldatzea | 2 |
| Gizarte-trebetasunak | 4 |
| Laneko prestakuntza eta orientabidea | 3 |
Bigarren urtean
| Moduluak | Orduak / asteko |
|---|---|
| Giza jarduerak eta ingurumen-arazoak | 6 |
| Ingurumen-hezkuntzako teknikak | 4 |
| Ingurumen-hezkuntzako programak | 11 |
| Erabilera publikoko jarduerak | 4 |
| Ingurumen-hezkuntzako eta -kontroleko proiektua | 50 (urtean guztira) |
| Ingeles teknikoa | 2 |
| Enpresa eta ekimen sortzailea | 3 |
| Lantokiko prestakuntza | 360 (urtean guztira) |
Lan munduan okupazio nagusiak
- Ingurumen-hezitzailea,-informatzailea,-hezkuntzako monitorea,-dokumentalista,-gidaria
- Ingurumen-jardueren programatzailea
- Ingurumen-kanpainetako monitorea
- Natura-ondareko gidari-interpretatzailea
- Ingurumen-zerbitzuko profesionala
- Naturaguneak kontrolatzeko teknikaria
- Naturako monitorea.
- Ingurumen-agentea edo antzekoa
- Ingurumen-ekipamenduetako monitorea
Informazio gehiago
Kontsula bat egin nahi baduzu erabili formularioa
Informazio gehiago tituluari buruz IVAC-EEIren webgunean.
Zer ikasiko dut modulu bakoitzean?
INGURUMENAREN EGITURA ETA DINAMIKA
Ekosistemen funtzionamendua eta gure eguneroko bizitzan duten garrantzia ikasiko duzu, ingurumen-kudeaketa eta hezkuntzaren ikuspuntutik horiek kontserbatu eta babesten lagunduko duten jarrerak sustatuz.
NATURA-INGURUNEA
Penintsulako habitat garrantzitsuenak bereizten ikasiko duzu eta halaber habitat horietan bizi diren landare eta animalia-espezieak, beraien lorratz eta arrastoak identifikatuz.
INGURUMEN-KUDEAKETA
Modulu honetan ura, atmosfera, lurrak… zeintzuk diren beraien egoera naturalak, noiz dauden kutsatuta eta hori nola ekidin dezakegun, hondakinak eta beraien kudeaketa… eta abar ikasiko duzu.
METODO ETA PRODUKTU KARTOGRAFIKOAK
Ibilbideak diseinatuko dituzu, proposatutako jarduerak eta jarduera horiei dagokien arautegia aztertuz, halaber, ibilbideak burutzeko behar diren profil topografikoak landuko dituzu. GPS eta gvSIG.
INGURUNEAN MOLDATZEA
Modulu honen helburua, ingurumen hezkuntzaren-jarduerak kanpoan egiteko beharrezkoak diren oinarrizko gaitasunak lantzea da. Hiri, landa edota natur ingurunean, taldeen gidaritza modu egokian egiteko, beharrezko diren edukiak, prozedurak eta jarrerak garatzen dira, lehen sorospenak barne.
GIZA JARDUERAK ETA INGURUMEN-PROBLEMATIKA
Ingurune naturalean eragina duten giza jarduera nagusiak sailkatzen ikasiko duzu, ingurumen-inpaktu horien balioespena eginez. Ondorioz, ingurumen arazoei irtenbide jasangarriak proposatzen saiatuko zara.
INGURUMEN-HEZKUNTZAKO TEKNIKAK
Informazioaren baliabide eta euskarriak aukeratzen ikasiko duzu eta baita ere ingurumen zabaltze-lanerako zeure baliabide eta material propioak sortzen, bisitatuko duzuen tokia, taldearen ezaugarriak eta bisitaren helburuak kontuan hartuz. Ingurumen-hezkuntzako teknikak ezagutuko dituzu, teknika hauen aplikazioa eta hainbat baloreen eskuratzea erlazionatuz, betiere baliabide naturalen erabilpen jasangarria sustatuz.
INGURUMEN-HEZKUNTZAKO PROGRAMAK
Ingurumen-hezkuntzako programak, jarduerak diseinatuko dituzu, taldearen ezaugarriak, lortu nahi dituzun helburuak eta jardueraren kokapena eta ingurunea kontuan hartuz.
ERABILERA PUBLIKOKO JARDUERAK
Erabilera publikoko jarduerak diseinatuko dituzu, natura-inguruneko ezaugarriak eta bere erabilera aztertuz. Natura-ingurune bat publikoki erabiltzeko egokitzapen- eta prestaketa-lanak egitean eraikitzeko teknikak eta elementuak kontuan hartuko dituzu, instalazioak izan lezakeen narriadura prozesua eta paisaiak izan dezakeen inpaktua ahalik eta txikiena izan dadin. Natura-ingurunean zaintza lanak diseinatuko dituzu, bisitariak edo sarkinak kontrolatzeko leku aproposenak identifikatuz.
INGURUMEN-HEZKUNTZA ETA KONTROLEKO PROIEKTUA
Orain arte esandako guztia borobiltzeko, bukaeran banakako proiektu bat egingo duzu, kurtsoan zehar ikasitako guztia erakusteko, betiere zikloko irakasleen gidaritzapean.